Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Lɛrɛvɔ Sɛbɛ 59 - Kazambale lé Sebe Sauunu 1979


Vole drɔɔ ma bazorole
( LvS 28 ; 56 ; 64 ; 140 )

1 David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul munu nwunvɔ léé, ’wo diri kɔn zi, a gyɛle we ma.

2 Anlé Bale, ’i an si an nyanézannu lee, ’I an ta béli dɔ an mazannu lee,

3 ’I an si wenaané kɛlɛzannu lee, ’I an si minyɛzanamunu lee.

4 Oo Gakelebale, bé ye, wa an ma vɔɔna léé, ’wo anlé tɛrɛla nyaa; Naa, nyanépamitazannu a an ma weblena, Dɔlé ’té an ’ka wegyɛzan nya lo, dɔlé ’té maa ’ka wenyané kɛlɛ lɛ lo.

5 We do ’ka an nwiin lo, naa duowo, woo vlan buruwo, woo ’wo ma’lɛra. ’I vuo ’i da bɔ an va, yé bé nagini.

6 Bii Gakelebale, sunya palunu lé Bale, Izraɛl lé Bale, ’I nwa, ’i we lɛdɔ bɛnnu faa gi. Té i nyanai é zén yolémi nyanénu ’ko va mi do kpen ta lo. Ka ye do.

7 Woo dan ’wo pa gi nyanadi faa do do ma, woo siaan bélé blénnu zo, ’Té woo giéan fla zi.

8 Bé ye, wenaané éé bɔraan wo ’léé bélé ’yi lé éé nwɛɛnma, a zo, Wo ’léé dére a bélé gwɔun zo; Naa, mi kyɛn ɛ wo dére maan?

9 Yé bii Gakelebale, i yéri sié wo ma, I bɛnnu faa ma we nanaan.

10 Dé wa plɛplɛoo, an bli a bii ɛ lɛ, Naa, Bale a an yɔɔna plɛplɛ nya.

11 Anlé Bale lé ke an ma é zin, éé bɔa an va; Munu lé woo nyané paan an ta, Bale éé bɔa an va yé an wo sɛrɛna yé.

12 Mizan, ko takuunzan, Té i wo gyɛ lo, dé anlé munu gi é da san a ma, ’I wo kini ékema ilé plɛplɛ nya, yé ’i plɛplɛ si wo lee.

13 Dére faa do do lé éé bɔraan wo ’léé, é a wenyané saa nya; Wobozen lé boblɛn ’é wo kun ma. Balepadérenu valé viédérenu saa lé wa fé.

14 ’I wo sɛrɛ i wɛwɛ nya; ’i wo sɛrɛ tata; té wo kɛlɛ ana é dɛrɛ lo. Bale a é plale Jakɔb nwiin fɔɔ tɛrɛ glɛ sina, ’Wo we ’ko dɔɔ ma.

15 Woo dan ’wo pa gi nyanadi faa do do ma, woo siaan bélé blénnu zo, ’Té woo giéan fla zi.

16 Woo goo ’ko yé wo da ’ko, wo blefɛnu ginile we ma, Fɔɔ woo tu kinié a zo, ’té wo ’ka kaan lo.

17 Yé maa, maa dan ilé plɛplɛ tɔ vɔ lɛ lɛrɛ nya, É sia bladi, maa dan ilé zin tɔ nwa lɛ. Naa, bii a an yɔɔna plɛplɛ nya. Anlé klebleyi nya maa vɔa bii ɛ zi.

18 Anlé Plɛplɛ, maa dan i tɔ bié lɛ, Naa, Bale, anlé Bale zin tegele, yee ɛ ke an yɔɔna plɛplɛ nya.

Alliance Biblique de Cote d'Ivoire 1979

British & Foreign Bible Society
ကြှနျုပျတို့နောကျလိုကျပါ:



ကြော်ငြာတွေ