Lɛrɛvɔ Sɛbɛ 58 - Kazambale lé Sebe Sauunu 1979

We lɛdɔle mi plenu gi ma bazorole

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ.

² Ka volé é tadɔle nya lé ka we tegele kɛlaa? Blaminu, dé ka we blé ’bɛ zo, é a tegelee?

³ Gba, ka weple kɛla kabo yuɛ va. Kalé tɛrɛ la, woo mi gya we nya é gi.

⁴ Mi nyanénu saan, ’té wa wo bu bɔn gi, Viézannu woo zi buuan wo yaa bléyi va.

⁵ Wo suiɛ nyi a bélé méné suiɛ nyi zo, Wa bélé tɔnéwii dubolu zo;

⁶ É ’ka misianazannu dére maan lo, Ménéyokɛlɛzan lé a gi kini é baba, é ’ka a dére maan lo.

⁷ Baleoo Bale, ’i wo suiɛ yéli wo ’léé. Gakelebale, ’i golizra boronénu puowɔlɛ so.

⁸ ’Wo si ana bélé ’yinu lé wo ke yorona, wo zo ma. Sawɔlɛnu lé wa vulian, wo lɛ ’é ga ma.

⁹ ’Wo zamaga wo, yé wo ’yi ’é bo bélé kɔnnékɔnné zo; Té wo yiri ye lo, bélé né sɛrɛle zo.

¹⁰ Dé lélikyɛ ’ka tan kalé lɛedaanu kyɛ dɔ lɛ lo, Dé wa drɔɔdrɔɔoo, dé kyɛ vɔ wo maoo, barikoko é dan go lɛ wo nya.

¹¹ Dé mi tegele we lɛgi pale ye tɔɔn, ’té a gi éé nanama, É dan é ganenu ma zuru lɛ mi nyanénu nyɛ nya.

¹² Yé munu é dan a fe lɛ léé, weboen lé, mi tegele éé tɔnɔ yé; Iin, Bale lé éé tɛrɛlamunu lé we blé, é ana.