Lɛrɛvɔ Sɛbɛ 57 - Kazambale lé Sebe Sauunu 1979

Bɔle mi va ma bazorole

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

² ’I nyanai zén an ta, oo Bale, ’i nyanai zén an ta. Naa, an boen éé yɔɔna ginian bii ɛ va; Maa yɔɔna ginian bii ɛ va, Fɔɔ yé we tɔntɔnnu é gié.

³ An siaan lagi loru Bale lɛ, Bale lé éé wezin kɛla an lɛ, a lɛ.

⁴ É dan é bɛ soi lɛ la gi, yé é an si we gi. Yé mi lé é an sɔnɔ, é dan ’bɛzan sɔnɔ lɛ. Ka ye do. Bale é dan élé zin kɛlɛ lɛ an lɛ yarapalale nya.

⁵ An boen a golizranu méléna; Maa a é yiale munu lé kyɛnɛnɛ éé bɔraan wo ’léé, wo méléna. Munu lé wo suiɛnu ke din valé sawɔlɛnu nya, wo méléna, Yé wo nɛnɛ a gwɔun ’lɛzan nya.

⁶ Baleoo, Bale, ’i nwa lanu ta loru, I tɔ zin bɔle ’é kɛlɛ tɛrɛ faa la ma.

⁷ Wo séli vɔ an lee, An boen ’wuo a é vɔle é wuo; Wo guru bo an ’lɛ, Wo ɛ dia a gi. Ka ye do.

⁸ An bli la a é dɔle plɛplɛ, oo Bale, an bli la a é dɔle plɛplɛ; An dan lɛrɛ vɔ lɛ, an dan anlé lɛrɛvɔafɛnu vun we lɛ.

⁹ An boen, ’i vuo. Anlé gitaa valé anlé kɔnɔ, ’ka vuo ma. An dan tu kini lɛ.

¹⁰ Mizan, maa dan i tɔ zin fe lɛ migɔnɔnu méléna. Maa dan lɛrɛ vɔ lɛ i lɛ bɛnnu méléna.

¹¹ Naa, ilé zin éé bɔa fɔɔ la ma, Yé i yarapale we ta éé bɔa fɔɔ latinu la.

¹² Baleoo, Bale, ’i nwa lanu ta loru. I tɔ zin bɔle ’é kɛlɛ tɛrɛ faa la ma.