Lɛrɛvɔ Sɛbɛ 54 - Kazambale lé Sebe Sauunu 1979

Mi takuunle é nyanézannu lee ma bazorole

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Kɔnɔ lé a balenu ke, ’wa gyɛ a va ma. David a vɔ

² bléyian va lé Zif munu da a laa lɛ Saul lee léé, i ’ka a gi dɔɔa léé, David a é yɔɔle ko va loo?

³ Baleoo, Bale, i tɔ lé we ma, ’i an si we gi Yé ’i we tegele kɛlɛ an lɛ ilé plɛplɛ nya.

⁴ Baleoo, Bale, ’i anlé bazorodére ’ma, ’I an ’léé dére ban i tɔné nya.

⁵ Naa, bɛnnu nwa an ma, Yé é sɔ glazannu lɛ léé, ’wo an gyɛ. Wo ’ka ’wo gibɔrɔan Bale ma lo. Ka ye do.

⁶ Naa, bé ye, Bale a an bɔvazan nya, Mizan an boen kunwo.

⁷ Wenaané é dan bɔ lɛ an mazannu ma; ’I wo kulu ga yarapalale nya.

⁸ Maa dan saraka bo lɛ i lɛ bli zin nya; Oo Gakelebale, i tɔ a é zin, amalé maa dan i tɔ zin fe lɛ,

⁹ Naa, é an si anlé kleblelenu faa gi, Yé an gi éé nanaan an nyanézannu yele we ma.