Lɛrɛvɔ Sɛbɛ 53 - Kazambale lé Sebe Sauunu 1979

Blami lé weple

¹ David lɛrɛ ’ko vɔle gɔɔn lɛrɛvɔzannu zilɛzan lɛ. ’Wo séén fɛn a va. David zé lé.

² ’Tugyɛzan lé é bli gi léé: Bale ’ka pelo. Wa é vɔnle, weple lé é ke tɛrɛgyɛwe nya, wa kɛlɛ; Wo va mi do lé éé wezin kɛla, ’bɛzan ’ka lo.

³ Bale lé é ke lagi loru, éé blaminu naginian. Dé gikinizan do anaa? Dé Bale naginizan do anaa? a yele we ma.

⁴ Wo faa zi saan, yé wo faa a é boa; Wezin kɛlɛzan ’ka wo va lo, A do kpen ’ka lo.

⁵ Munu lé woo weple kɛla, dé wedɔɔle saan wo gii? É sɔ wo lɛ léé, wo anlé munu ble bélé fɛblele zo; Wo ’ka Bale tɔ laan pelo.

⁶ Yé di blɛn é dan kini lɛ wo gi, Dɔlé ’té we do ’ka kɛlɛ lɛ lo; Munu lé woo nwaan i ma, Bale é dan wo wɔlɛnu kini lɛ ékema; Wo gi é dan blin lɛ wo ma, naa, Bale sɔn vɔ wo ma.

⁷ De ɛ dan go lɛ Izraɛlmunu lé silewe gi si lɛ Siɔn yé é da a nyaa? Bale lé munu lé wo ke luu gi, dé é da wo nya é ziin Jakɔb gi é dan nana lɛ é baba; Izraɛl munu gi é dan nana lɛ.