Lɛrɛvɔ Sɛbɛ 52 - Kazambale lé Sebe Sauunu 1979

Bale lé weblele valé alé zin

¹ David lɛrɛ ’ko vɔle gɔɔn lɛrɛvɔzannu zilɛzan lɛ,

² bléyian va lé Édom mi Doɛg go we zuo fe lɛ Saul lɛ, léé, David go Asimélɛk va.

³ Mi nyané plɛplɛ, mɛmalé ibo ze vɔa ilé wenyané kɛlɛle gii? Bale lé zin éé voo ana yifaama.

⁴ I nɛnɛ a bélé lamɔn lé wa lɛ vɔ, a zo, Éé miblifliwe saa fé; dablikɛlɛzan lé i nya.

⁵ Wenaané sɔ i lɛ é mini wezin ta, Viéwole sɔ i lɛ é mini we drɔle ta. Ka ye do.

⁶ Dablikɛlɛ nɛnɛ, Fɛ sɛrɛ dérenu faa sɔ i lɛ.

⁷ Amalé Bale é dan i sɛrɛ lɛ, É dan i kun lɛ yé é dan i si lɛ ilé kɔn gi; É dan i soowɔla lɛ mi yuɛmalenu lé tɛrɛ la. Ka ye do.

⁸ Mi tegelenu é dan ana ye lɛ, yé wo dan kana lɛ, Yé wo dan we nana lɛ a ma.

⁹ Mi lé é ’ka Bale si lɛ é takuunzan nya lo, ’Té éé paan élé fuafɛ kiɛre ta, ’Té éé plɛplɛ yé élé miblifliwe kɛlɛle nya, yee lé ke bɛ.

¹⁰ Naa, maa a Bale lé kɔn gi bélé ɔliviyili zo, Maa paan Bale ta lɛɛfaama, ’bɛ glɛ ’ka dɔa lo.

¹¹ I we kɛlɛ, amalé maa dan i tɔ zin fe lɛ yifaama, Yé é sɔ an lɛ léé, an bli vo i tɔ lɛ ilé yarapawelazannu yuɛ va; Naa, i tɔ a é zin.