Lɛrɛvɔ Sɛbɛ 49 - Kazambale lé Sebe Sauunu 1979

Pale fuafɛnu ta a ’tugyɛwe nya

¹ Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. Lɛrɛ do lé.

² Migɔnɔnu, ’ka faa tɔné dɔ we ’ko lɛ, ’Kaa tɛrɛlamunu, ’ka faa an ban ka tɔné nya,

³ Mi kiénénu valé mi blɛnnu, Fuanu valé nyanégyɛzannu, ka faa lé.

⁴ Wedɔɔdérenu é dan bɔra lɛ an ’léé, Yé an bɔn‐in bɔrɔle a ’wuoatawe saa nya.

⁵ Maa i baan an tɔné nya ilé wegɔné ’male we ma, Yé maa dan a gi fe lɛ anlé kɔnɔ gyɛle nya.

⁶ We tɔntɔn bɔyinu nya, dé an mazannu lé weple kɛlɛle an zi lɛ sɔɔ, Mɛmalé an kanaan?

⁷ Woo paan ’wolé fɛ zinnu ta, Yé woo wobo tɔ bɔa ’wolé fua gi.

⁸ Wo ’ka bɔa wo ke tabole lɛ lo, Wolé gɔɔli ’ka bɔaléé é wo tabo lo.

⁹ Wo boen tabole vlɛ a, Wolé gɔɔli ’ka bɔa wo vlɛ ’léé lo;

¹⁰ Wo ’ka dan vo lɛ é yuɛma yifaama lo, Wo ’ka dan vuru lɛ guru gi yele ma lo.

¹¹ Naa, wo dan guru gi ye lɛ; wedɔɔzannu éé gaan, Tavozan valé wedɔɔalozan é ziin, woo gaan za ma, Yé wo ’wolé fɛ zinnu voo mi bɛnu zé nya.

¹² Munu lé wo tɔ ke é bɔle tɛrɛ la, É dɔ wo gi léé, wolé kɔn é dan vo lɛ ana yifaama, Yé ’wo nyanananu é dan kɛlɛ lɛ ’wo kulu é kulunu zé nya.

¹³ Naa, mi lé wa tɔ bɔa, é ’ka mɔn‐o lo, É a bélé winu lé woo wo bɔrɔ boo, wo zo.

¹⁴ Wolé tawobɛ valé wolé ’tugyɛwe lé ke bɛ; Yé munu lé woo goo wo zuo, wo dérenu sɔ ’bɛnu lɛ. Ka ye do.

¹⁵ Wa bélé trubɛ zo, woo goo gamunu nyanana, Ga é dan wo ble lɛ bélé trubɛ lé lublele zo; É vo sɛ yé mi tegelenu é dan wo zɔn lɛ ’wo gane nya, Wo nɔnɔmi na a é sɛrɛle; yé gamunu nyanana kɛlɛ wo nyanana nya.

¹⁶ Naa, Bale ɛ dan an boen takuun lɛ, Yé an ’ka dan go lɛ gamunu nyanana lo. Ka ye do.

¹⁷ Dé mi do fua ble, dé alé kɔn gi fɛwezannu fan, Té i ’bɛ gi bɔrɔ pa lo.

¹⁸ Naa, dé é ga, é ’ka dan go lɛ fɛ do kpen nya é lee lo, Alé fɛwezannu ’ka dan go lɛ a zuo lo.

¹⁹ Alé tɛrɛla gi, é a ye léé, ézé a néné, Yé munu i tɔ zin fe léé, i wezin kɛlɛ ibo lɛ.

²⁰ Naa, duowo, i dan go lɛ i tranu zuo, Wo lé wo ’ka dan fɛnafu ye lɛ é dɛrɛ lo, wo va.

²¹ Naa, mi lé wa tɔ bɔa, ’té a ’wuo ’ka a ta lo, É a bélé winu lé woo wo bɔrɔ boo, wo zo.