Lɛrɛvɔ Sɛbɛ 47 - Kazambale lé Sebe Sauunu 1979

Minwiinzannu é zan

¹ Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. Lɛrɛ do lé.

² ’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

³ Naa, Gakelebale, Loruzan, éé kana zén‐é mi gi, É a minwiinzan blɛn nya tɛrɛ faa la.

⁴ Éé migɔnɔnu plaan ko wuo, Yé éé bɛnnu plaan ko ganenu wuo.

⁵ É fɛna si a va kozé nya, Jakɔb lé é sɔ a lɛ, alé fua lé. Ka ye do.

⁶ Bale a guliwuovolɛzannu méléna, ’té woo faa goo siaale nya; Gakelebale éé goo ’é ’lɛzia, ’té woo béli fɛɛn.

⁷ ’Ka lɛrɛ vɔ Bale lɛ, ’ka lɛrɛ vɔ; ’Ka lɛrɛ vɔ ko nwiinzan blɛn lɛ, ’ka lɛrɛ vɔ;

⁸ Naa, Bale a tɛrɛ faa nwiinzan blɛn nya, ’Ka lɛrɛ gɔ do vɔ.

⁹ Bale a é plale bɛnnu nwiin, Bale éé nyanaan élé webleblin sauun ta.

¹⁰ Migɔnɔnu nwiinzannu éé zén‐é ékeva Abraam lé Bale lé munu va; Naa, tɛrɛla plɛplɛ faa a Kazambale zé nya, É a é dɔle mi faa nwiinzan blɛɛn nya.