Lɛrɛvɔ Sɛbɛ 46 - Kazambale lé Sebe Sauunu 1979

Bale a ko va

¹ Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

² Bale a ko yɔɔna valé ko tɛnmazan nya, Éé bɔa mi va yifaama; é ’ka sɔn vɔa bɔle munu va ma pelo.

^3-4 Bɛwemalé dé tɛrɛ zana a gi, Dé gɔblɛnnu ma nyɔɔn wɛyinu méléna, Dé wɛyi nwalenu vun we plɛplɛ, dé a buiɛ dɔ, Dé é nwa fɔɔ yé gɔblɛnnu manyɔɔn, kana do ’ka dan vɔ lɛ ko gi lo. Ka ye do.

⁵ Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

⁶ Kazambale a yee fla méléna; a ma ’ka nyɔɔnma lo; Bale é bɔle sian a va bladi tukini gunu nya.

⁷ Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

⁸ Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya. Ka ye do.

⁹ ’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

¹⁰ Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

¹¹ ’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

¹² Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya.