Lɛrɛvɔ Sɛbɛ 45 - Kazambale lé Sebe Sauunu 1979

Minwiinzan blɛn lé le sina lɛrɛ

¹ Lɛrɛvɔzannu nwiinzan zé lé. ’Wa vɔ lɛrɛvɔafɛ lé wa laama bolu lé goo, a va. Koré kulunu ɛ vɔ. Bale tɔbɔlɛrɛ do lé. Sɔlɛle lɛrɛ lé.

² An bli a é fanle dére nénénu lé ke kɔɔna an bli gi, wo nya. Maa léé: An nyanama paan minwiinzan blɛn lɛ. An nɛnɛ ’é kɛlɛ bélé sɛbɛgyɛzan lé éé sɛbɛ gya é zua, alé sɛbɛgyɛyili zo ma.

³ I a é nɔnɔmi é mini blami benu ta, Zin a é zénle i lɔlu gi Amalé Bale i drɔɔ vo yifaama.

⁴ Gulidanzan nyanazan, ’i ilé gwɔun dɔ i gyɛn, ’Ilé ’lɛrɛfɛ zén i ta yé ilé fua nagɔɔn.

⁵ Iin, ilé fua. ’I kɛlɛ guliwuovolɛzan nya ma, ’i vɔ ilé goro gi, Webozen koo, bli kɛlɛle drɔɔ koo, we tegele koo, ’i dɔ wo zuo. We blɛnblɛnnu lé woo mi gi vuruan, ’i bɛyi ’é wo nagɔɔn.

⁶ Ilé sawɔlɛnu lɛa; Munu é dan dia lɛ i wuo; Ilé sawɔlɛnu é dan minwiinzan blɛn nyanézannu zuru fɔn lɛ.

⁷ Baleoo, Bale, wo ’ka dan ilé webleblin si lɛ i lee monomono lo; Ilé pla mi nwiin soowolivwii a we tegele vwii nya.

⁸ We tegele sɔ i lɛ, yé weple za a i gi; Amalé oo Bale, ilé Bale ginanale lé nyɔnɔ zén i nwiin yé é gié i bɔlunu zé ta.

⁹ Lia ginzan miré koo, aloɛ valé kasé koo, woo ilé varɔnu faa gin kɛla néné; Ilé kɔn lé wa dɔ vwiisuiɛ nya, kɔnɔ gyɛle éé i gi nanaan a gi.

¹⁰ Minwiinzan blɛn lunu a munu lé wo sɔ i lɛ, wo méléna, Pla mi nwiin le a i bɛyila, ’té é a é ’lɛrɛle kyan lé é si Ofii tɛrɛ la, a nya.

¹¹ An lu, ’i tɔné dɔ, ’i an ban i tɔné nya; bé ye; I gi ’é san ilé munu ma ma, é valé i ti lé kɔn ma ma.

¹² I a é nɔnɔmi, minwiinzan blɛn bli bɔ i ma; É a izan nya, amalé ’i dia a wuo.

¹³ Munu lé wo fua ble é baba, wo dan da lɛ blɛnu nya Tii tɛrɛla blɛnzan lɛ léé, a bli ’é kɛlɛ wo ma é zin.

¹⁴ Minwiinzan blɛn lu a élé fua ta gɔɔnna élé fuakɔn gi; Varɔ lé é ke é zénle a ta, wa tan kyan nya.

¹⁵ Woo goo a nya minwiinzan ’lɛ, a gɔɔnle a lɛ we ma, ’té varɔ lé, pɛɛ ke é gyɛle a ta, ’té é a é zénle a ta, Yé a bɔlu blɛnnu éé goo a zuo, yé woo goo wo nya i sɔnɔ;

¹⁶ Woo wo gɔɔn‐an minwiinzan blɛn lɛ, ginanale lé éé giéan é glɛ la, a nya, Yé wo wɔra minwiinzan lé fuakɔn gi.

¹⁷ Ilé nénu é dan wo tranu pagi si lɛ; I dan wo dɔ lɛ minwiinzannu nya tɛrɛ faa la.

¹⁸ Maa dan i tɔ sele dɔ lɛ munu gi lɛɛ faa ma, Yé munu é dan i tɔ zin fe lɛ lɛɛfaama, ’bɛ glɛ ’ka lo.