Lɛrɛvɔ Sɛbɛ 44 - Kazambale lé Sebe Sauunu 1979

Mi tabinle ma bazorole

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu lé lɛrɛ do lé.

² Nyanamanu lé i wo pa é vinin, ko tranu bléyi va Wa zuo fe ko lɛ. Oo Bale, ko wo zuo ’ma ko tɔné nya.

³ I bɛ nya lé i bɛnnu bin ko tranu vole wo pa gi we ma. I nyané pa migɔnɔnu ta ko tranu sɔɔlale wo pa gi we ma.

⁴ Naa, wo ’ka tɛrɛ ’ko ye lɛ wolé gwɔun nya lo, Wo bɛ ’ka wo si lɛ we gi lo, Naa, i bɛyi ɛ wo si we gi, yee valé i yara san nya; Wo sɔ i lɛ, azama.

⁵ Oo Bale, i a an nwiinzan blɛn nya; ’I guliwuo nɔ Jakɔb lɛ.

⁶ Ilé plɛplɛ nya lé ko ko nyanézannu guru zanaan a gi, I tɔ nya lé ko ko mazannu ’wiié.

⁷ Naa, an bli ’ka anlé sa lɛ lo, Maa ’ka dan si lɛ we gi anlé gwɔun nya lo,

⁸ Naa, bii ɛ ko sié ko nyanézannu lee, Yé bii ɛ ko zapamunu gi blin‐an ’wo ma.

⁹ Ko kobo ze vɔa kolé Bale tɔ gi yi faa do do ma, Yé ko dan i tɔ nwa lɛ yifaama, a glɛ ’ka lo. Ka ye do.

¹⁰ Naa, i ko si i ma, yé i yara wɔra ko ’wuo ma, I ’ka paan kolé sunyanu va é dɛrɛ lo;

¹¹ Bé kɛlɛ léé, ko vo vlan buruna ko nyanézannu lee, ’Té ko zapamunu éé kolé fɛnu sié.

¹² I ko paan wo lee bélé ’blanu lé woo wo blé, wo zo. I ko sɔlaan bɛnnu méléna.

¹³ I ilé munu daan é pla, I ’ka a yé léé, wo wea lo,

¹⁴ I ko kɛla serele bomazannu nya ko punmamunu yuɛ gi, I ko kɛla we nanamazannu valé yéri sié mazannu nya ko zi munu lɛ.

¹⁵ I ko kɛla wedanmazannu nya migɔnɔnu méléna, Munu lé woo ’wuo nyɔɔn‐an wo ma, wo nya.

^16-17 Dé maa an sɔnɔzan valé an ma wenanazan dére ’ma, Dé maa an nyanézan valé we lɛgi pa an mazan ye, ’Té yara an gya yifaama. Yé yara éé wɔraan an ’wuo ma.

¹⁸ We ’konu faa bɔ ko ma, dɔlé ’té ko gi ’ka san lɛ i ma lo, Dɔlé ’té ko ’ka ilé gipawe sɛrɛ lɛ lo;

¹⁹ Ko bli ’ka si lɛ ilé we lɛ lo, Ko gane ’ka si lɛ ilé zi ta lo,

²⁰ Naa, i ko gale vuli glaunu lɛ bwi gi, Yé i gale furɔ zén ko ta.

²¹ Dé é a kɔɔn léé, ko gi san kolé Bale tɔ ma, Yé ko ko bɛ soi bɛn bɛnu lé bale vazia,

²² ’Té Bale ’ka dan ’bɛ gi dɔɔ lɛ loo? Yeean é mi bligiwe yɔɔlenu dɔɔ, é ’ka dan a gi dɔɔ lɛ loo?

²³ Naa, bii lé we ma lé wo ko gya bladi nyanadi, Wo ko yé bélé ’blanu lé wo dan go lɛ wo nya wigyɛna, wo zo.

²⁴ Mizan, ’i vuo. Mɛmalé i a yigyɛnaa? ’I vuo. Té i ko si i ma yifaama lo.

²⁵ Mɛmalé i yara yɔɔan ko maa? Mɛmalé i gi é saan kolé nyanéblele valé kolé kleblele maa?

²⁶ Naa, ko boen a é diale vun va, Tɛrɛ a é kuale ko kɔlɛ ma.

²⁷ ’I nwa, ’i bɔ ko va. ’I ko si wo lee, ilé zin nya.