Lɛrɛvɔ Sɛbɛ 43 - Kazambale lé Sebe Sauunu 1979

Mi lé wa si élé tɛrɛ la gla nya, alé bazorole

¹ Baleoo, Bale, ’i anlé we ble yé ’i dɔ an zuo, bɛn lé éé wenyané fé Bale lé zi ma, alé we ma. ’I an si munu lé woo dabli valé weple kɛla, wo lee.

² Bii, an takuunzan Bale, mɛmalé i an si i maa? Mɛmalé é a lé an tawoo bli kyɛdɔle nya, ’Té an nyanézannu éé yaan an taa?

³ ’I ilé san valé ilé webozen pa an lɛ zia, ’Wo zi gɔɔn an lɛ ma, ’Wo go an nya ilé gɔ sauun valé i nyanana.

⁴ An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

⁵ An boen, mɛmalé i fuu éé sié i ta yé i dunnuma an gii? I bli ’é vo Bale lɛ; naa, maa dan a tɔ zin fe lɛ é ziin, Yee ɛ ke an Siéwegizan valé anlé Bale nya.