Lɛrɛvɔ Sɛbɛ 4 - Kazambale lé Sebe Sauunu 1979

Nyanadi bazorole

¹ Lɛrɛ do lé David a vɔle gɔɔn lɛrɛvɔmunu lɛ. Kɔnɔ lé a balenu ke, ’té wa gya a va.

² Bale lé éé an kɛla tegele, dé an siaa i lɛ, ’bé zi pa an lɛ. Bléyian va lé maa ke kle blena, ’i an si we gi. ’I nyanai zén an ta, yé ’i tɔné dɔ anlé bazorole lɛ ma.

³ Blaminu, bléyi kyɛn va lé ka dan daan lɛ an tɔbɔzan sɔnɔle maa? We pla saa ɛ sɔ ka lɛɛ? Ka dan daan lɛ viéwe naginile ma mɛ bléyi vaa? Ka ye do.

⁴ Naa, ’ka we ’ko dɔɔ ma: Bale élé zi sɔlɛzan sié a va ébozen zé nya, Dé an siaa Gakelebale lɛ bléyian va, éé an dére maan.

⁵ Ka ma ’é nyɔɔn, té ka wenyané kɛlɛ lo;

⁶ ’Ka Gakelebale ban wetegele nya ma, Yé ’ka kabo bɛ pa Gakelebale lee.

⁷ Mi kiɛre léé: De ɛ dan wezin kɛlɛ lɛ ko lɛɛ? Gakelebale, ’i yara nwa yé a san ’é bi ko ta ma.

⁸ I an gi nana yé é mini munu lé Wolé ’sa valé wolé dɔrɔ dɛrɛ kɛlɛ kiɛre, wozé ta.

⁹ An yiaan, yé an yi gya drɔɔ, Naa, Gakelebale, bii do kpen ɛ an ta béli dɔa an nyanana.