Lɛrɛvɔ Sɛbɛ 39 - Kazambale lé Sebe Sauunu 1979

Nyanéblezan lé wenyané fele

¹ David lɛrɛ ’ko vɔle gɔɔn lɛrɛvɔzannu zilɛzan Jédutun lɛ. David a vɔ.

² Maa léé, an dan yuɛ pa lɛ anlé tawobɛ ta, Bléyian va lé mi nyanénu a an ’lɛ Maa dan an lɔlu kun lɛ, Dé an da wenyané fe.

³ Maa vo é tadɔle, maa ’ka we fe lɛ lo, Maa ’ka we lɛ lo, dɔlé ’té we an ble; Yé anlé kleblele kɛlɛ segele.

⁴ An bli a blena an gi, Yé kyɛ a blena an gi, Yé dére da an ’léé, yé maa léé:

⁵ Gakelebale, anlé vole é yuɛma glɛ a kyɛɛn? Anlé tɛrɛla yi vo nɔɔ? Bé fe an lɛ, yé dé an dan ga lɛ é kelee? yé maa a dɔɔ.

⁶ Bé ye, i anlé yinu nɔ an lɛ, wa bélé an bɛlaa nya do zo, Yé anlé vole é yuɛma ’ka fɛ do kpen nya i yuɛ gi lo. Iin, mi faa lé wo ke é dɔle loru, wa fu fɛɛle do nya. Ka ye do.

⁷ Iin, mi éé dɔwoo bélé furɔ zo, É a kɔɔna é pla; Éé fɛ tééan, naa, dé é dan vo lɛ de ɛ zé nyaa? é ’ka ’bɛ gi dɔɔa lo.

⁸ Sin, anzan, an bli a mɛ lɛɛ? Bii ɛ lɛ lé an bli ke.

⁹ ’I an si anlé bélidɔwe sɛrɛlenu faa zuo ma. Té i an kɛlɛ serelebomafɛ nya ’tugyɛzan yuɛ gi lo.

¹⁰ An voo é tadɔle, maa ’ka an ’léé fuoan lo. Naa, bii ɛ we kɛla.

¹¹ ’I an blale vo. I an kele.

¹² Dé i we lɛdɔ mi gi alé weplenu yɛrama, I alé fɛwezan sɛra bélé boworo zo. Iin, mi faa a fu fɛɛle do nya. Ka ye do.

¹³ Gakelebale, ’i anlé bazoro dére ’ma, yé ’i tɔné dɔ an siaalenu lɛ. Té i kɛlɛ blilaplɛplɛzan nya an yuɛyi sole zi lo. Naa, maa a bɛn nya i va, Maa a giézan nya bélé an tranu faa zo.

¹⁴ ’I an vo, ’an flin, Yé ’an ga, ’té an ’ka é dɛrɛ lo.