Lɛrɛvɔ Sɛbɛ 30 - Kazambale lé Sebe Sauunu 1979

Bale bɔvɔ bazorole

¹ Lɛrɛ do lé. Lɛrɛ lé wa vɔ kɔn pale é yɛrama we gi. David zé lé.

² Oo Gakelebale, maa i tɔ biéan, naa, i an nwa, I ’ka a va léé, an nyanézannu gi é nana anlé we ma lo.

³ Gakelebale, anlé Bale, An siaa i lɛ, yé i an béli.

⁴ Gakelebale, i anboen si gamunu nyanana, Munu lé wo vɔ guru blɛn gi, i an si wo va baa yé i an vo é yuɛma é ziin.

⁵ ’Kaa‐an, Gakelebale sɔ ka lɛ, ’ka lɛrɛ vɔ a lɛ. É a sauun fɛan zo, dé ’bɛ sele dɔ ka gi, ’ka a tɔ bié a tɔ zin fele nya.

⁶ Naa, a bliflile éé nyaan é kele, Naa, alé zin éé voo ana mi lé tɛrɛla faa gi; Dé nyanadi pa, ’té wuvɔle lé. Yé dé bladi pa, ’té ginanale lé, éé giéan é glɛ ta, ’té ’bɛ lé.

⁷ Bléyian va lé maa a anboma, maa léé: An ’ka dan saan lɛ pelo.

⁸ Gakelebale, ilé zin nya i an dɔ gligli bélé gɔ blɛn zo. I i yara yɔɔ yé ’bɛ gibɔrɔ pa an ma.

⁹ Gakelebale, an siaan i lɛ, An zanté vɔa Gakelebale lɛ léé:

¹⁰ Dé i an nyɛ zana yé i an vɔ guru blɛn gi, ’Bɛ tɔnɔ a mɛ fɛ nya i maa? Vungoi é bɔalɛ léé, é i tɔ zin fee? É dan i yarapale we la zuo fe lɛɛ?

¹¹ Gakelebale, ’i tɔné dɔ an lɛ; ’i nyanai zén an ta. Gakelebale, ’i bɔ an va.

¹² ’I anlé wuvɔlenu nɔla ginanale lé éé giéan é glɛ ta, a nya, ’I wuvɔ voli si an ta yé i ginanale nɔ an lɛ a pa gi,

¹³ Léé, anboen ’é lɛrɛ vɔ i lɛ, té é vo é tadɔle bobogyɛzan zo lo. Gakelebale, anlé Bale, maa dan i tɔ zin fe lɛ yifaama.