Lɛrɛvɔ Sɛbɛ 3 - Kazambale lé Sebe Sauunu 1979

Bladi bazorole

¹ Lɛrɛ do lé David a vɔ, bléyian va lé é vɔ bwi gi é be Abusalɔm lee.

² Oo Gakelebale, an nyanézannu a kiɛre. Woan woo nwaan an ma, wa di é minini.

³ Mi kiɛre a fena anlé we ma léé: Bale ’ka dan bɔ lɛ a va é dɛrɛ lo. Ka ye do.

⁴ Naa, bii, Gakelebale, bii ɛ ke an takuunzan nya, Bii ɛ ke an tɔbɔzan nya, yé bii ɛ an ’wuo nwaan.

⁵ An siaan an dére nya Gakelebale lɛ, Yé éé a zi paan an lɛ élé gɔ blɛn sauun nwiin. Ka ye do.

⁶ An yiaan, ’té maa yi gya; An vuoan, naa, Gakelebale a é kunle an ma gligli.

⁷ Mi wuru é wuru di lé woo dɔa an ma yé woo an zi lɛ sɔɔan, An ’ka kanaan wo lee lo.

⁸ Gakelebale, ’i nwa. Anzé Bale, ’i an si we gi. Naa, i an nyanézannu faa blin gya, I mi plenu suiɛnu yélié.

⁹ Sile we gi a Gakelebale va. ’Ilé munu drɔɔ vo ma. Ka ye do.