Lɛrɛvɔ Sɛbɛ 29 - Kazambale lé Sebe Sauunu 1979

Bale dére lé éé wé lɛɛ plɛplɛ dabléyi va

¹ Lɛrɛ lé David a vɔ. Bale benu, ’ka kɛlɛle blɛn nɔ Gakelebale lɛ, ’ka a tɔ bɔ.

² ’Ka tɔ blɛn nɔ Gakelebale lɛ. ’Ka dia ka bli la Gakelebale ’lɛ, ’té kalé Bale la ’lɛrɛfɛnu a ka ta.

³ Gakelebale dére zuogi éé goo ’yinu ta. Fuabale éé zagele baan, Gakelebale a ’yi blɛnnu ta.

⁴ Gakelebale dére a plɛplɛ, Gakelebale dére a minwiinzan blɛn dére nya.

⁵ Gakelebale dére éé sɛdrɛyilinu yélié, Gakelebale dére éé Liban tɛrɛla sɛdrɛyilinu yélié.

⁶ Éé we do kɛla ’té woo fɔrɔan bélé diriné zo, Éé we do kɛla ’té Liban gɔ valé Siriɔn gɔ woo fɔrɔan bélé du boroné zo.

⁷ Gakelebale dére éé wé yé kyɛnɛnɛnu éé fɔrɔan.

⁸ Gakelebale dére éé nyéné saa lé fɛna manyɔɔn‐an; Gakelebale déré Kadɛs bwi ma nyɔɔn.

⁹ Gakelebale dére éé wé yé vɔlɛnu woo né yaan. Éé pɔrɔ gi yilinu bɛnu soo é ta. Alé fuakɔn gi wo faa éé siaan léé: Bale a blɛn!

¹⁰ Lɛɛ blɛn dabléyi va, ’té Gakelebale a é nyanale élé webleblin ta; Gakelebale a é nyanale élé webleblin ta minwiinzan nya lɛɛfaama, a glɛ ’ka lo.

¹¹ Gakelebale éé plɛplɛ no élé munu lɛ; Gakelebale élé munu drɔɔ voo yé éé gi nanale no wo lɛ.