Lɛrɛvɔ Sɛbɛ 28 - Kazambale lé Sebe Sauunu 1979

Bɔle mi va ma bazorole

¹ David zé lé. Gakelebale, an siaan bii ɛ lɛ. Anlé gɔlɛgɔ, té i kɛlɛ tɔnéwiizan nya an dére ma lo, Dé i si an ma baa yé i ’ka an dére zi vɔ lɛ lo, An dan kɛlɛ lɛ bélé munu lé woo zunwo guru blɛn gi, wo zo.

² Dé maa an bɛnu nwa ilé kɔn sauun vazia, Dé an siaa i lɛ, ’i tɔné dɔ anlé nyanainya dére lɛ.

³ Dé i mi nyanénu valé mi plenu sia, té i an pa wo va lo. Woo vole drɔɔ dére fé wo punmazannu lɛ, ’té wenaané a wo bli gi.

⁴ ’I we lɛgi pa wo ma wo kɛlɛwenu yɛrama, yee valé wolé wenaanénu kɛlɛle yɛrama, ’I we lɛgi pa wo ma wo bɛ panyanama yɛrama; Wo gooli lé a yara lé wa ye, bé nɔ wo lɛ ma.

⁵ Wo ’ka Gakelebale bɛ panyanama dɔɔa lo, ’É wo zana a gi, té é wo nwa é ziin lo ma.

⁶ Gakelebale drɔɔ ’é vo ma, Naa, é anlé nyanainya dére nyi si.

⁷ Gakelebale a anlé plɛplɛ valé an takuunzan nya, An bli a a lɛ, yé éé bɔa an va; Ginanale lé éé giéan é glɛ ta, é a an bli gi, Yé maa a tɔ zin fé anlé lɛrɛvɔlenu nya.

⁸ Gakelebale a élé munu lé plɛplɛ nya, Mi lé wo nyɔnɔ zén a nwiin, é a ’bɛ Siéwegi gɔlɛgɔ nya.

⁹ ’I ilé munu si we gi; munu lé wo ke ilé tɔnɔfɛ nya, ’i wo drɔɔ vo. ’I kɛlɛ wo tabinzan valé wo takuunzan nya yifaama ma.