Lɛrɛvɔ Sɛbɛ 26 - Kazambale lé Sebe Sauunu 1979

Mi tegele lé bazorole

¹ David zé lé. Gakelebale, ’i we tegele kɛlɛ an lɛ, naa, gun ’ka anlé tawobɛ ma lo. An paan Gakelebale ta, an ’ka diaan lo.

² Gakelebale, ’i an giwe nagini; ’i an gi dan, ’I an bli valé anlé gibɔrɔlenu nagini kyɛ nya,

³ Naa, ilé zin a an yuɛ gi, Yé an tawoo ilé webozen gi.

⁴ Maa valé dablikɛlɛzannu ’ka nyanaan lo, Maa valé bodrɔzannu ’ka tawoo ékeva lo.

⁵ Wenaanékɛlɛzannu lé woo zén‐é ékeva, wo za a an gi. Maa valé mi nyanénu ’ka nyanaan ékeva lo.

⁶ An bɛnu ma folié ’té an nwiin a é pla, Oo Gakelebale, yé an giéma i banna zi,

⁷ ’Té an zén i bɔvɔle va, ’Té maa ilé we blɛnnu faa zuo nɔnɔan.

⁸ Gakelebale, nyanale ilé kɔn gi sɔ an lɛ, Ilé fuasan nyanana sɔ an lɛ.

⁹ Té i an boen valé wenyanékɛlɛzannu sia ékeva lo. Té i anlé tɛrɛla valé minyɛzanamunu lé tɛrɛla nyaa ékeva lo.

¹⁰ Wo bɛnu a wenyané blɛn kɛlɛbɛnu nya, ’Té wo bɛyi a é fanle blɛfɛ nyanénu nya.

¹¹ Maa, maa tawoo tawobɛ lé gun ’ka a ma lo, a nya; I nyanai ’é zén an ta yé ’i an si munu lee.

¹² An gane a é dɔle gligli zi drɔle ta; An dan Gakelebale drɔɔ vo lɛ migunu lé wo zén ékeva, wo va.