Lɛrɛvɔ Sɛbɛ 24 - Kazambale lé Sebe Sauunu 1979

Minwiinzan blɛn lé we

¹ Lɛrɛ do lé David a vɔ. Tɛrɛ valé é tafɛnu faa a Gakelebale zé nya, Tɛrɛ valé munu lé woo nyanaan a ta, wa Gakelebale zé nya.

² Naa, é a gane vɔ wɛyi va, Yé é a dɔ gligli yuunu va.

³ De ɛ bɔa Gakelebale lé gɔblɛn giéle lɛɛ? De ɛ bɔaléé, é nwa fɔɔ yé é bɔ alé fɛna sauunnaa?

⁴ Mian a bɛ ma ke é bɔle yé a bli gi ke é fu, Mian é ’ka daan ébo ma léé, é viéwo lo, Yé é ’ka bale nyɔɔn‐an dabli nya lo, yee lé.

⁵ Gakelebale é dan ’bɛzan drɔɔ vo lɛ, A Siéwegibale é dan nyanai zén lɛ a ta.

⁶ Mi lɛgɔnɔ do lé woo i tɔ laan, wozé lé ke bɛ. Munu lé woo i yara ginian, ’bɛ gi léé, Jakɔbnu, wozé lé ke bɛ. Ka ye do.

⁷ Duolinu, ka laklénu ’é so, ’Kaa duolinu lé ka ’ka sɛra monomono lo, ’ka lɛ so blɛɛn Minwiinzan tɔbɔle wɔrale we ma.

⁸ De ɛ ke Minwiinzan tɔbɔle ’ko nyaa? Gakelebale lé é ke plɛplɛ, ’té é ke gligli, Gakelebale lé é ke gligli gulidanle gi, yee lé.

⁹ Duolinu, ka laklénu ’é so ma, ’Kaa duolinu lé ka ’ka sɛra monomono lo, ka laklénu ’é so ma, Minwiinzan tɔbɔle wɔrale we ma.

¹⁰ De ɛ ke Minwiinzan tɔbɔle ’ko nyaa? Lai sunyanu lé Gakelebale lé; Minwiinzan tɔbɔle lé ke bɛ. Ka ye do.