Lɛrɛvɔ Sɛbɛ 23 - Kazambale lé Sebe Sauunu 1979

Bale éé mi tabin‐é

¹ Lɛrɛ lé David a vɔ. Maa a bélé bla zo; Gakelebale a an tabinzan nya; fɛ do kpen ’ka dan vuru lɛ an ma lo.

² Éé an nyanaan lu tɔnu méléna, Éé goo an nya ’yi zima sɔnɔ.

³ Éé an fuu dɔa an ta, Éé goo an nya wetegele zinu ta, A tɔ lé we ma.

⁴ Dé an tawo gale fu wuo An ’ka kanaan wenaané do kpen lee lo; bii a an va, azama. Ilé ’blatabinyili valé ilé tawomayili an dɔa plɛplɛ.

⁵ I fɛblele no an lɛ, ’té maa blé An nyanémunu yuɛ va. I nyɔnɔ zén‐é an nwiin, Anlé ’yiminikana éé zanaan a ma.

⁶ Iin, ginanale valé zin é dan kɛlɛ lɛ an va Anlé tɛrɛla faa gi, Yé an dan nyana lɛ Gakelebale lé kɔn gi Lɛɛfaama, a glɛ ’ka lo.