Lɛrɛvɔ Sɛbɛ 16 - Kazambale lé Sebe Sauunu 1979

Pale Bale ta lé bazorole

¹ Lɛrɛ do lé David a vɔ. Baleoo Bale, ’i an tabin, naa, maa an yɔɔna naginian bii ɛ va.

² Maa lé Gakelebale lɛ léé: I an anzan nya, Bii a anlé mi zin nya, a bɛ ’ka lo.

³ Bale lé munu lé wo ke tɛrɛ la, Wo valé Bale lé zisɔlɛmunu, wo ɛ sɔ an lɛ.

⁴ Wo miyilinu kɛlɛ di, yé woo vlanburuwo bale bɛnu zuo; Nyɛ lé wa zanaan yobanfɛ nya, maa ’ka ’bɛ zanaan lo. Maa wo tɔ fé an lɔlu nyaa? Pelo!

⁵ Gakelebale a anlé tɔnɔ nya; yé é a an miniyi nya; Bii ɛ dɔa an zi, yé anlé ’munnu a ble;

⁶ Fɛnu lé wa nɔ an lɛ tɔnɔfɛ nya, é a é nɔnɔmi é baba, Fɛ lé wana nɔ an lɛ bɛ, é a é zima é baba.

⁷ Gakelebale éé we plaan an lɛ, maa a drɔɔ voo; É béli boenwo, an bli éé we plaan an lɛ.

⁸ Bléyi faa ma Gakelebale a an yuɛ gi, Dé é a an bɛyila, an ’ka diaan lo.

⁹ É ziin, ’té maa a ginanale gi, an léli gi a é nanale, ginanale blɛn lé éé giéan é glɛ ta, a nya, Yé an kɔlɛ a é nyanale drɔɔ.

¹⁰ Naa, i ’ka dan anboen vo lɛ gamunu nyanana lo; I ’ka dan a nyi si lɛ léé, i sɔlɛzan é vɔn lo.

¹¹ I dan vole é yuɛma zi gɔɔn lɛ an lɛ. Ginanale kiɛre boen ana i yara, Yé ginanamawenu lé woo ’ka nyaan lo, wa i bɛyila.