Lɛrɛvɔ Sɛbɛ 150 - Kazambale lé Sebe Sauunu 1979

’Ka Bale tɔ bɔ ma

¹ ’Ka Gakelebale tɔ zin fe! ’Ka Bale tɔ zin fe alé fɛna sauun na ma. ’Ka a tɔ zin fe la gi, fɛ lé walé plɛplɛ yé na, ana.

² ’Ka a tɔ zin fe a kɛlɛwe blɛnblɛnnu lé we ma. ’Ka a tɔ zin fe alé fua blɛn lé, a glɛ ’ka lo, a yɛrama.

³ ’Ka a tɔ zin fe béli fɛnle nya ma. ’Ka a tɔ zin fe kpélé gyɛle valé kɔnɔ gyɛle nya.

⁴ ’Ka a tɔ zin fe poo gyɛle valé nɛnɛbole nya. ’Ka a tɔ zin fe ginabo gyɛle valé gobé gyɛle nya.

⁵ ’Ka a tɔ zin fe kɔanu lé woo wé plɛplɛ, wo gyɛle nya. ’Ka a tɔ zin fe kɔanu lé wo dére zuogi éé wé, wo gyɛle nya.

⁶ Fɛnu faa lé woo flin‐é, ’wo Gakelebale tɔ zin fe ma. ’Ka Gakelebale tɔ zin fe!