Lɛrɛvɔ Sɛbɛ 15 - Kazambale lé Sebe Sauunu 1979

We lé é sɔ Bale lɛ

¹ Lɛrɛ do lé David a vɔ. Gakelebale, de ɛ dan nyana lɛ ilé sɔkɔn gii? De ɛ dan nyana lɛ ilé gɔ sauun nwiin?

² Mian gun ’ka alé tawobɛ ma lo, ’té éé we tegele kɛla, ’Té webozen ke a bli gi, ’té éé a fé, yee lé.

³ Mi tɔ sɛrɛ dére do ’ka bɔraan a nɛnɛ ta lo, É ’ka wenaané kɛla é yɛramazan ma pelo, Yé é ’ka serele boo é bɔlu bɛ ma pelo.

⁴ Mian é ’ka mi nya lo, éé lɔlu kplililii boo a ma, Naa, munu lé woo kanaan Gakelebale lee, éé ’bɛnu lɛdɔama. Dé é bale kun, é dan é nian si lɛ élé fɛ gi yé é a nɔ yé élé balekundére lɛ sɔɔ a nya.

⁵ Alé gɔɔli lé wa drɔn gyɛ a lee, a ma we ’ka a taa gi pelo, Yé gɔɔli lé wo we dɔ a nya weanwiinlo munu nwiin, é ’ka ’bɛ blɛ ’ko sile nyi sié pelo. Mian éé we kɛla ’bɛ zo, é ’ka dan dia lɛ monomono lo.