Lɛrɛvɔ Sɛbɛ 149 - Kazambale lé Sebe Sauunu 1979

Bale tɔbɔlɛrɛ lé

¹ ’Ka Gakelebale tɔ zin fe. ’Ka lɛrɛ dɛrɛ vɔ Gakelebale lɛ. ’Kaa yarapawelazannu lé ka ke é zénle ékeva, ’ka a tɔ zin fe lɛrɛvɔle nya.

² Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

³ ’Wo a tɔ zin fe nɛnɛbole nya ma, ’Wa kɛlɛ blɛn poo gyɛle valé kɔnɔ gyɛle nya ma.

⁴ Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

⁵ Guliwuo ’é vo yarapawelazannu lɛ ma, yé ’wo kɛlɛ fua nya ma, ’Wo siaa ginanale nya wolé yialafɛnu ta ma.

⁶ Bale tɔ zin fele ’é kɛlɛ wo ’léé ma, Yé gwɔun lé a ’léé ke fié, ’é kɛlɛ wo lee ma,

⁷ We lɛgi pale bɛnnu ma we ma, We lɛdɔle migɔnɔnu gi we ma,

⁸ Wo nwiinzannu yerele gɔgɔbalenu nya we ma, Wolé mi segelenu yerele foliɛwɔlɛ balenu nya we ma,

⁹ We gibɔidére lé weblezan a fe, a lɛsɔɔle we ma. We ’ko a alé yarapawelazannu faa tɔbɔwe nya. ’Ka Gakelebale tɔ zin fe ma!