Lɛrɛvɔ Sɛbɛ 148 - Kazambale lé Sebe Sauunu 1979

É a lé Bale kɛlɛfɛ faa ’é Bale tɔ bɔ

¹ ’Ka Gakelebale tɔ zin fe. ’Ka Gakelebale tɔ zin fe la gi loru, ’Ka a tɔ zin fe fɛna lorunu na.

² ’Kaa alé lanjenu, ’ka faa a tɔ zin fe. ’Kaa lai sunyanu, ’ka faa a tɔ zin fe.

³ Yiri valé moné, ’ka a tɔ zin fe. ’Kaa monéné bilenu, ’ka a tɔ zin fe.

⁴ La zi lanu, ’ka a tɔ zin fe. ’Kaa ’yinu lé ka ke tɛrɛ wuo, ’ka a tɔ zin fe.

⁵ ’Wo Gakelebale tɔ zin fe ma, Naa, é we fe, yé fɛnu kɛlɛ.

⁶ É wo dɔ gligli yifaama zé nya, a glɛ ’ka lo. É bélidɔwenu fe wo lɛ, yé é ’ka dan wo sɛrɛ lɛ pelo.

⁷ ’Yi va wi blɛnnu valé ’kaa guru wɔlɛmanu faa, ’Ka Gakelebale tɔ zin fe tɛrɛ wuo.

⁸ Kyɛ valé goowɔlɛlɛɛ koo, glasépun valé lolugunu koo, Fu plɛplɛnu lé woo a déretawenu kɛla koo,

⁹ Gɔblɛnnu valé gɔpanénu faa koo, Porobaayilinu valé sɛdrɛyilinu faa koo,

¹⁰ Bwiiwinu valé flawinu faa koo, Tawoo plɛlawinu valé simianénu koo,

¹¹ Tɛrɛ la minwiinzannu valé migɔnɔ faa koo, Minwiinzannu benu valé tɛrɛ la weblezannu faa koo,

¹² Pɛniɛnu valé blɛnnu koo, Gɔné segelenu valé nunukénénénu koo,

¹³ ’Kaa faa, ’ka Gakelebale tɔ zin fe ma. Naa, yee do kpen tɔ ɛ ke é biéle; Alé fua ta a é gɔɔnle tɛrɛ valé lanu ta loru.

¹⁴ É élé munu dɔ plɛplɛ; Alé yarapawelazannu faa a tɔ zin fé, Izraɛl munu lé wo ke a sɔnɔ, wa tɔ zin fé. ’Ka Gakelebale tɔ zin fe.