Lɛrɛvɔ Sɛbɛ 142 - Kazambale lé Sebe Sauunu 1979

Bɔle mi va ma bazorole

¹ Bale tɔbɔlɛrɛ lé David a vɔ, ’té é a gɔmaguru gi. Bazorole lé.

² Maa siaan Gakelebale lɛ an dére plɛplɛ nya. Maa zanté vɔa Gakelebale lɛ an dére biéle nya.

³ Maa an ’namawe faa gi bɔraan a lɛ, Maa anlé kleblele zuo fé a lɛ.

⁴ Dé an léli fuu a é sile é ta, Bii ɛ anlé zi dɔɔ. Zi lé an tawoo a ta, Wo san vɔ a ’léé.

⁵ ’I yuɛ vɔ i bɛyilazia, yé bé nagini, Mi do ’ka an ma kunna yé lo, An yɔɔna ’ka é dɛrɛ lo, Mi do kpen ’ka gi bɔrɔan an boen ma lo.

⁶ Gakelebale, an siaan bii ɛ lɛ. Maa léé, bii a an yɔɔna nya, Bii a anzé nya miyuɛmalenu lé tɛrɛ la.

⁷ ’I tɔné dɔ an siaalenu lɛ ma, Naa, maa a nyanébozen blena. Munu lé wo ke an zuo binna, ’i an si wo lee. Naa, wo plɛplɛ mini an ta.

⁸ ’I an si bokɔn ’ko gi, Yé maa i tɔ ma gyɛ. Dé i wezin kɛlɛ an lɛ, Mi tegelenu é dan zén lɛ an va.