Lɛrɛvɔ Sɛbɛ 141 - Kazambale lé Sebe Sauunu 1979

Nyanadi bazorole

¹ David lé lɛrɛ lé. Gakelebale, maa i laan; ’i da an va é kele. Dé maa i laa, ’i tɔné dɔ an dére lɛ.

² Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

³ Gakelebale, ’i an ’léé tabin, ’I yuɛ pa an lɔlu va ma.

⁴ Té i an sia ana léé, an go we lɛrɛlɛrɛnu zuo lo, Kɛlɛwenu lé woo mi gya we nya, té maa wo kɛlɛ wenaanékɛlɛzannu va lo, Yé té an kɛlɛ wolé fɛtikɛlɛzannu va mi do nya lo.

⁵ Dé mi tegele an bla, ’té wezin lé é a kɛlɛ an lɛ; Dé mi we lɛdɔ an gi, ’té é a bélé é nyɔnɔ zén an nwiin. An ’ka dan an ’wuo si lɛ a wuo lo; Naa, an dan bazoro lɛ wolé wenaané kɛlɛle ma é ziin.

⁶ ’Wo wolé weblezannu vuli gɔlɛnu ta ma, Yé wo dan ’wo tɔné dɔ lɛ an dérenu lɛ, naa, wa néné.

⁷ Ko wɔlɛnu a é nwɛɛnle gamunu nyanana ’léé sɔnɔ Bélé tɛrɛ lé wa fun‐an, a zo.

⁸ Gakelebale, Mizan, maa yara nɔlaan i vazia, Maa an yɔɔna ginian i va; Té i sɔn vɔ an boen ma lo.

⁹ ’I an tabin, san lé wa vɔ an lee, a we ma, Yee valé wenaanékɛlɛzannu lé wo ke an mabɛnna, wo lee.

¹⁰ Mi nyanénu ’é dia ’wolé sélinu gi ma, Naa, an so wo lee ’bɛ bléyi va ma.