Lɛrɛvɔ Sɛbɛ 14 - Kazambale lé Sebe Sauunu 1979

Blami lé we ple

¹ Lɛrɛ lé David a vɔle gɔɔn lɛrɛvɔmunu ’lɛzan lɛ. ’Tugyɛzan lé é bli gi léé: Bale ’ka pelo. Wa é vɔnle; wo tɛrɛgyɛwe kɛlɛ; Wo va mi do lé éé wezin kɛla, ’bɛzan ’ka lo.

² Gakelebale lé é ke la gi loru, éé blaminu naginian, Dé gikinizan do anaa? Dé Bale naginizan do anaa? A yele we ma.

³ Wo faa zi buu, wo faa saan, Mian éé wezin kɛla, ’bɛzan ’ka lo, A do boen ’ka lo.

⁴ Munu faa lé woo weple kɛla, dé wedɔɔle saan é wo wo ’wuo gii? Woo anlé munu minié, woo anlé munu sian wo blefɛ nya. Wo ’ka Gakelebale tɔ laan pelo.

⁵ Bléyian va lé Bale a bɛn tegele méléna, ’Bɛ bléyi va lé wo ma é dan nyɔɔn lɛ kana blɛn nya.

⁶ We lé wenaané bɔmazan bli ke a lɛ, ’Ka serele bo ’bɛ ma. Naa, Gakelebale a a vɔzizan nya.

⁷ Oo, de ɛ dan go lɛ Izraɛlmunu lé silewegi si lɛ Siɔn yé é da a nyaa? Gakelebale lé munu lé wo ke luu gi, dé é da wo nya é ziin, Jakɔb gi é dan nana lɛ, yé yéri é dan pa lɛ Izraɛlmunu lɔ ma, yé é gié é glɛ la.