Lɛrɛvɔ Sɛbɛ 138 - Kazambale lé Sebe Sauunu 1979

Bale bɔvɔ bazorole

¹ David zé lé. Maa i tɔ kɛla blɛn an bli faa nya, Maa i tɔ zin fé lɛrɛvɔle nya bɛkɛlɛ?-?balenu méléna.

² Maa diaan an bli la ilé kɔn sauun gi, Yé maa i tɔ ma gya, ilé zin valé ilé yarapalale we ma, Naa, ilé blivolɛdére lɛsɔɔle we ma lé i tɔ kɛlɛ blɛn.

³ Yian nya lé maa i laa, i an dére ’ma, I an bli ta dɔ plɛplɛ, i an boen dɔ gligli.

⁴ Oo Gakelebale, dé tɛrɛla minwiinzannu faa i dére ’ma tɔɔn, Wo dan i tɔ zin fe lɛ.

⁵ Wo dan Gakelebale tɔ bɔ lɛ a kɛlɛwenu ma, Naa, Gakelebale lé fuasan a blɛn.

⁶ Gakelebale a loru, ’té éé bokiénémunu yé, Naa, éé boblɛnzannu ma kunna yé, ’té wa baa.

⁷ Dé maa a kle saa blena, i vole é yuɛma no an lɛ, I bɛ dɔa an nyanézannu lé wo bli ke flina an ma, wo ’lɛ, Yé i an sié we gi i bɛyi nya.

⁸ Gakelebale é dan wezin kɛlɛ lɛ an lɛ, Gakelebale, i nyanai éé zén‐é yifaama, Té i bɛ panyanama vo lo.