Lɛrɛvɔ Sɛbɛ 136 - Kazambale lé Sebe Sauunu 1979

Bale bɔvɔ lɛrɛ lé

¹ ’Ka Gakelebale tɔ zin fe, naa, é a é zin, Naa, a nyanai éé zén‐é yifaama.

² ’Ka balenu lé Bale tɔ zin fe, Naa, a nyanai éé zén‐é yifaama.

³ ’Ka mizannu Zan tɔ zin fe, Naa, a nyanai éé zén‐é yifaama.

⁴ Bale do kpen lé éé we blɛɛnnu kɛla, Naa, a nyanai éé zén‐é yifaama.

⁵ Bale lé é lanu kɛlɛ gikinile nya, Naa, a nyanai éé zén‐é yifaama.

⁶ Bale lé é tɛrɛ sɔɔla ’yinu ta, Naa, a nyanai éé zén‐é yifaama.

⁷ Bale lé é fɛnakinifɛ blɛnnu kɛlɛ, Naa, a nyanai éé zén‐é yifaama.

⁸ É yiri kɛlɛ yiéyinwiinzan nya, Naa, a nyanai éé zén‐é yifaama.

⁹ É moné valé monénénu kɛlɛ béli nwiinzannu nya, Naa, a nyanai éé zén‐é yifaama.

¹⁰ Bale lé é Éjipitimunu lé né vininzannu gyɛ, Naa, a nyanai éé zén‐é yifaama.

¹¹ Yé é Izraɛl munu si wo méléna, Naa, a nyanai éé zén‐é yifaama.

¹² É bɛ plɛplɛ valé é bɛ soile nya, Naa, a nyanai éé zén‐é yifaama.

¹³ Bale lé é Wɛyi Sɔɔn bɔi fié, Naa, a nyanai éé zén‐é yifaama.

¹⁴ Bale lé, é Izraɛlmunu gié a méléna, Naa, a nyanai éé zén‐é yifaama.

¹⁵ É Faraɔn valé élé gulidanzannu vɔ Wɛyi Sɔɔn va, Naa, a nyanai éé zén‐é yifaama.

¹⁶ Bale lé é kɛlɛ élé munu zilɛzan nya bwi gi, Naa, a nyanai éé zén‐é yifaama.

¹⁷ Bale lé é minwiinzan blɛnnu gyɛ, Naa, a nyanai éé zén‐é yifaama.

¹⁸ Bale lé é minwiinzan plɛplɛnu gyɛ, Naa, a nyanai éé zén‐é yifaama.

¹⁹ Amorénu nwiinzan Sioni koo, Naa, a nyanai éé zén‐é yifaama.

²⁰ Bazan tɛrɛ nwiinzan Ɔg koo, Naa, a nyanai éé zén‐é yifaama.

²¹ É wolé tɛrɛnu nɔ gulizarafɛ nya, Naa, a nyanai éé zén‐é yifaama.

²² É a nɔ é wuozan Izraɛl lɛ gulizarafɛ nya, Naa, a nyanai éé zén‐é yifaama.

²³ Bale lé ko sele dɔ a gi bléyian va lé kobo kɛlɛ kiéné, Naa, a nyanai éé zén‐é yifaama.

²⁴ Yé é ko si munu lé woo yaan ko ta, wo lee, Naa, a nyanai éé zén‐é yifaama.

²⁵ Bale lé éé fɛblele no mi valé wi faa lɛ, Naa, a nyanai éé zén‐é yifaama.

²⁶ ’Ka lagi Bale tɔ zin fe, Naa, a nyanai éé zén‐é yifaama.