Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Lɛrɛvɔ Sɛbɛ 135 - Kazambale lé Sebe Sauunu 1979


Bale tɔ bɔ lɛrɛ
( LvS 115 ; 136 )

1-2 ’Ka Gakelebale tɔ zin fe. Ka lé ka ke Gakelebale wuozannu nya, ’Té ka dɔa Gakelebale lé kɔn gi, Kolé Bale lé kɔn gɔrɔ gi bɛ, ’ka a tɔ zin fe.

3 ’Ka Gakelebale tɔ zin fe, naa, é a é zin. ’Ka a tɔ sia lɛrɛ nya, naa, a bli a ko ma é zin.

4 Naa, Gakelebale Jakɔb si a va É Izraɛl si a va a kɛlɛle ’ézé nya we gi.

5 Maa a gi dɔɔ léé, Gakelebale a blɛn, Yé kozan a balenu faa nwiinzan nya.

6 We faa lé é sɔ Gakelebale lɛ léé, é a kɛlɛ, éé a kɛla, La gi koo, tɛrɛ la koo, Wɛyi va koo, guru faa wɔlɛ ma koo, wona.

7 Yee ɛ lafunu nwaan tɛrɛ glɛ sina, Éé zagelenu baan yé éé lɛɛ dan, Éé fu sié élé fɛwezannu va.

8 Yee ɛ né vininzannu gyɛ Éjipiti tɛrɛ la, É a pélisia munu ta fɔɔ yé é bɔ a nya winu va.

9 É tɔmasenu valé gyɛzorowenu kɛlɛ, bii, Éjipiti tɛrɛ la. É wo kɛlɛ Faraɔn valé é wuozannu faa lɛ.

10 É bɛn kiɛre gyɛ, Yé é minwiinzannu plɛplɛ gyɛ,

11 Amorénu nwiinzan Sioni koo, Bazan tɛrɛ nwiinzan Ɔg koo, Kanaan tɛrɛ nwiinzannu faa koo, é wo gyɛ;

12 Yé é wolé tɛrɛnu nɔ wo zarafɛ nya élé munu Izraɛl lɛ, É wo nɔ zarafɛ nya.

13 Gakelebale, i tɔ ana lɛɛfaama, Gakelebale, i sele a mi kulu é kulunu gi.

14 Naa, Gakelebale é dan élé munu lé we ble lɛ, A nyanai é dan zén lɛ é wuozannu ta.

15 Bɛnnu zé miyilinu a gɔɔli valé kyan nya, Munu bɛ panyanama lé.

16 Wo ’léé a, wo ’ka wé lo, Wo yuɛ a, wo ’ka yɛrɛ yé lo,

17 Wo tɔné a, wo ’ka we maan lo, Yé wo ’ka flin‐é monomono lo.

18 Munuan woo wo kɛla, wo valé Munu faa lé woo paan wo ta, wa bélé wo zo.

19 Izraɛl lé munu, ’ka Gakelebale drɔɔ vo, Arɔn lé munu, ’ka Gakelebale drɔɔ vo,

20 Lévi lé munu, ’ka Gakelebale drɔɔ vo. Ka faa lé ka kanaan Gakelebale lee, ’ka Gakelebale drɔɔ vo.

21 Gakelebale lé éé nyanaan Jérusalɛm, Siɔn munu, ’wa drɔɔ vo ma. ’Ka Gakelebale tɔ zin fe.

Alliance Biblique de Cote d'Ivoire 1979

British & Foreign Bible Society
ကြှနျုပျတို့နောကျလိုကျပါ:



ကြော်ငြာတွေ