Lɛrɛvɔ Sɛbɛ 130 - Kazambale lé Sebe Sauunu 1979

Bɔle mi va ma bazorole

¹ Gɔ gié lɛrɛ do lé. Gakelebaleoo, Bale, maa a guru wɔlɛ ma yé maa i laan.

² Mizan, ’i an dére ’ma ma. ’I tɔné dɔ Anlé zantévɔdére lɛ ma.

³ Gakelebale, dé weplenu sele dɔ i gi, Mizan, de ɛ vonaa?

⁴ Naa, i mi ma we vo, léé, Mi ’é kana i lee.

⁵ An bli a Gakelebale lɛ; an boen a é pale a ta, Yé maa a alé blivolɛdére lɛbɛnna.

⁶ An bli a Mizan lɛ, É mini flatabinmunu lé wo bli ke tukinile lɛ, wozé ta, Iin, é mini munu lé wo bli ke tukinile lɛ, wozé ta.

⁷ Izraɛl, ’i bli vo Gakelebale lɛ. Naa, Gakelebale nyanai éé zén‐é, Éé mi taboo yifaama.

⁸ Yee ɛ dan Izraɛl lé weplenu faa Si lɛ wo lee.