Lɛrɛvɔ Sɛbɛ 13 - Kazambale lé Sebe Sauunu 1979

Bɔle mi va ma bazorole

¹ Lɛrɛ lé David a vɔle gɔɔn lɛrɛvɔmunu ’lɛzan lɛ.

² Gakelebale, an sele é dan vo lɛ é saanlé i gi fɔɔ bléyi faa maa? I yara é dan vo lɛ é yɔɔle an ma fɔɔ bléyi faa maa?

³ An yuɛ gi kyɛ é dan vo lɛ é dɔle fɔɔ bléyi faa maa? Yé an bli gi kyɛ é dan dɔ lɛ yi faa do do maa? Yé an nyanézan é dan vo lɛ nwana an ma fɔɔ yifaamaa?

⁴ Gakelebale, anlé Bale, ’bé nagini, yé bé zi pa an lɛ. ’I yi kele an yuɛ ma Léé, té an gayi gyɛ lo,

⁵ Léé, té an nyanézan a fe léé, ’é maa kele lo. Yé dé é kɛlɛ léé, an tawo yé an dia, té an mazannu gi é nana lo.

⁶ Maa, an paan ilé zin ta. I an si we gi, an bli fan gi nanale baba nya; Gakelebale wezin kɛlɛ an lɛ, amalé an lɛrɛ vɔa a lɛ.