Lɛrɛvɔ Sɛbɛ 129 - Kazambale lé Sebe Sauunu 1979

Izraɛl nyanézannu ma bazorole

¹ Gɔ gié lɛrɛ do lé. É sia an boronéla bléyi va fɔɔ kyɔ, woo yaan an ta. Izraɛl, bé fe ma.

² É sia an boronéla bléyi va fɔɔ kyɔ, woo yaan an ta, Naa, wo ’ka an kele lɛ lo.

³ Wo an lala tuo Bélé vundangi zo.

⁴ Gakelebale a tegele; É mi nyanénu lé balenu bɔi mi bɛnu ma.

⁵ Munu faa lé Siɔn za ke wo gi, Yara ’é wo gyɛ yé ’wo gyɛ ’wo zuo.

⁶ Wolé we ’é kɛlɛ bélé ’sa lé a gɔɔn bɔ kɔn nwiin, ’Té a ma yuru, a zo ma.

⁷ ’Sagyɛzan ’ka é lee fan a nya lo, ’Sanwun yerezan ’ka é bɛgi fan a nya lo.

⁸ Dé munu a giéna, wo ’ka a fé léé, Gakelebale ’é ka drɔɔ vo, lo, Wo ’ka a fé léé, ko ka drɔɔ vo Gakelebale tɔ nya, lo.