Lɛrɛvɔ Sɛbɛ 127 - Kazambale lé Sebe Sauunu 1979

Wo Bale lé zin tɔ bɔ

¹ Gɔ gié lɛrɛ do lé. Salomɔn ɛ vɔ. Dé Gakelebale ’ka pa lɛ kɔndɔmunu ta lo, ’Té wo panyanama ’ka vɔa a ma lo; Dé Gakelebale ’ka fla tabin‐é lo ’Té a tabinmunu éé yi keleé wo yuɛ ma é pla.

² Ka nwale é dere koo, yigyɛ bléyi giéla ka ta koo, Kalé fɛ blele bli kyɛdɔle nya koo, wo tɔnɔ ’ka lo; Naa, Bale éé sɔlɛzannu zé no kiɛre bléyian va lé ’bɛnu a yigyɛna, ’bɛ bléyi va.

³ Bé ye, négɔnénu a tɔnɔ lé éé sié Gakelebale va, a nya, Mi bɔnginénu a ’wo ti goolipafɛ nya.

⁴ Mi boroné la bléyi va négɔnénu a bélé sawɔlɛnu lé Wo ke gulidanzan lee, wo zo.

⁵ Mian é élé sawɔlɛpafɛ fan wo nya, azé a néné, Dé wa wefena ’wo nyanézannu nya flagɔrɔ ’léé, Yara ’ka dan wo gyɛ lɛ lo.