Lɛrɛvɔ Sɛbɛ 126 - Kazambale lé Sebe Sauunu 1979

Mi sole we lee ma bazorole

¹ Gɔ gié lɛrɛ do lé. Bléyian va lé Gakelebale da é ziin Siɔn munu lé, wo go wo nya luu gi, wo nya, ’Té é a ko gi nyɛgyɛle zo.

² ’Té ko a é fanle ginanale nya, ’té ko siaan. ’Té ko nɛnɛ éé ginanalɛrɛ saa vɔa, ’Té wa fé bɛnnu méléna léé: Gakelebale we blɛn kɛlɛ wo lɛ.

³ Gakelebale we blɛn kɛlɛ ko lɛ weboen nya, Amalé ko gi éé nanaan.

⁴ Gakelebale, kolé munu lé ke luu gi, ’i da wo nya é ziin, Bélé doonénu lé woo soo lɛɛdabléyi va yirinwana bɛyilazia, wo zo.

⁵ Munuan woo fɛ vɔa yuɛyi sole nya Wo dan fɛ gyɛ lɛ ginanalɛrɛ vɔle nya.

⁶ Mian éé goo ’sa vɔ lɛ wuvɔle nya, ’Bɛzan é dan da lɛ é ziin ginanale nya, ’sanwunnu nya é lee.