Lɛrɛvɔ Sɛbɛ 122 - Kazambale lé Sebe Sauunu 1979

Jérusalɛm tɔ bɔle

¹ Gɔ gié lɛrɛ do lé. David zé lé. Dé wa fé an lɛ léé, Kaa go Gakelebale lé kɔn gi, an gi éé nanaan.

² Jérusalɛm, ko ganenu zun kyɔ Ilé gɔrɔ gi.

³ Jérusalɛm, wo i dɛrɛ pa, Wo i zi gɔrɔ vɔ é ke ’léé, ’té zan ’ka a ma lo.

⁴ Ana lé bɛnnu ilé gɔ gié, Gakelebale lé bɛnnu lé, Izraɛl lé bélidɔwe yɛrama, Gakelebale tɔ zin fele we ma.

⁵ Ana lé weblena ke, yé woo we blé tegele, David valé é kulunu lé.

⁶ ’Ka Jérusalɛm vole drɔɔ ma laa, Munuan i sɔ wo lɛ, ’wo nyana woboma duaa ma.

⁷ Mi ’é vo drɔɔ ilé gɔrɔ gi ma, Té we do kpen ’é kɛlɛ munu lɛ ilé fuakɔnnu gi lo ma.

⁸ An bwenu valé an béénu lé we ma, Maa a a va léé, vole drɔɔ ’é kɛlɛ i ta,

⁹ Gakelebale, kozé Bale lé kɔn lé we ma, An bli a a lɛ léé, ilé we ’é kɛlɛ é sɔke.