Lɛrɛvɔ Sɛbɛ 121 - Kazambale lé Sebe Sauunu 1979

Bale éé ko tabin‐é

¹ Gɔ gié lɛrɛ lé. Maa an yuɛ vɔ gɔblɛnnu ta. De ɛ dan bɔ lɛ an vaa?

² Mian é dan bɔ lɛ an va, Gakelebale lé, É la valé tɛrɛ kɛlɛ, yee lé.

³ É ’ka dan a nyi si lɛ léé, i buu lo; Mian éé i tabin‐é é ’ka dan yi gyɛ lɛ lo.

⁴ Bé ye, mian éé Izraɛl tabin‐é, Yi ’ka dan vɔ lɛ a yuɛ la lo, yé é ’ka dan yi gyɛ lɛ lo.

⁵ Gakelebale a i tabinzan nya, Gakelebale a ilé furɔ nya i bɛyila.

⁶ Yiri ’ka dan i gyɛ lɛ é yiéyi lo, Moné nyané ’ka dan bɔra lɛ i ma lo.

⁷ Gakelebale é dan i takuun lɛ wenyané faa lee, É dan i boen takuun lɛ;

⁸ Gakelebale é dan i gole valé i dale tabin lɛ, A pélisia sin bléyi ’ko va fɔɔ yifaama a glɛ ’ka lo.