Lɛrɛvɔ Sɛbɛ 12 - Kazambale lé Sebe Sauunu 1979

Bale pale mi ta ma bazorole

¹ Lɛrɛ lé David a vɔle gɔɔn lɛrɛvɔmunu ’lɛzan lɛ. Kɔnɔ lé a bale ke sɔraa, ’wa gyɛ a va.

² Gakelebale, ’i an si we gi. Naa, Bale lé zi sɔlɛmunu ’ka ana é dɛrɛ lo; Wo ’ka yarapawelazannu yé blaminu méléna é dɛrɛ lo.

³ Woo vié woo ’wo ke lɛ, Dablidérenu a wo ’léé nuu, ’Té wo bli a fié.

⁴ Gakelebale ’é dabli lɔlu faa nyaa ma, ’Bɛ valé boblɛn lɔlu nya.

⁵ Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

⁶ Naa, woo yaan wenaané bɔmazannu ta, ’té nyanégyɛzannu éé dunnuan, Amalé sin, Gakelebale léé: Maa nwa, Yé munu lé bélilɔrɔ ke wo ma, maa dan a nya wo lɛ.

⁷ Gakelebale dérenu a dére gibɔlenu nya, Gɔɔlifu lé wa selean bɔ gi Yé a gi é bɔ fɔɔ gɔnɔ sɔrafié, é a ’bɛ zo.

⁸ Bii Gakelebale, i dan ko tabin lɛ, I dan ko takuun lɛ bɛn ’ko lee yifaama.

⁹ Dé we lɛrɛlɛrɛ fan blaminu va, Mi nyanénu éé dɔwoo fɛfaana.