Lɛrɛvɔ Sɛbɛ 114 - Kazambale lé Sebe Sauunu 1979

Taboyi lé lɛrɛ lé

¹ Yian nya lé Izraɛl si Éjipiti tɛrɛ la, Dé Jakɔb lé munu so munu lé, wo dére ke é yɛrama, wo lee,

² ’Té Juda kɛlɛ a nyanana gibɔle nya, ’Té Izraɛl kɛlɛ a wuo bɛn nya.

³ Wɛyi ’bɛ ye tɔɔn, é fwi, Juudɛn yuu nɔla é zuozia;

⁴ Gɔblɛnnu fɔrɔ bélé ’blagɔnénu zo, Gɔpanénu fɔrɔ bélé ’blanénu zo.

⁵ Wɛyi, mɛ ɛ kɛlɛ i lɛ yé i ke fwinaa? Juudɛn yuu, mɛ ɛ kɛlɛ i lɛ yé i nɔla i zuoziaa?

⁶ Gɔblɛnnu, mɛ ɛ kɛlɛ ka lɛ yé ka ke fɔrɔna bélé ’blagɔnénu zoo? Gɔpanénu, mɛ ɛ kɛlɛ ka lɛ yé ka ke fɔrɔna bélé ’blanénu zoo?

⁷ Tɛrɛoo, tɛrɛ, i ma ’é nyɔɔn Mizan ’lɛ ma. I ma ’é nyɔɔn Jakɔb lé Bale ’lɛ ma;

⁸ Balean éé gɔlɛ nɔlaan ’yiguru nya, ’Té éé gɔlɛ blɛn nɔlaan ’yibɔna nya, yee Bale lé.