Lɛrɛvɔ Sɛbɛ 113 - Kazambale lé Sebe Sauunu 1979

Wo Bale tɔ bɔ alé zin lé we ma

¹ ’Ka Gakelebale tɔ zin fe. Gakelebale wuozannu, ’ka a tɔ zin fe. ’Ka Gakelebale tɔ zin fe.

² ’Wo Gakelebale tɔ drɔɔ vo Bléyi ’ko va fɔɔ yifaama, té a glɛ é dɔ lo.

³ É sia yiri bɔrale ma fɔɔ yiri vɔle ma, ’Wo Gakelebale tɔ ma gyɛ ma.

⁴ Gakelebale a é nwale loru bɛnnu faa ta, Alé fuasan a lanu zi loru.

⁵ De ɛ ke bélé kozé Bale, Gakelebale zoo? A nyanana a loru;

⁶ Éé ’é wuo naginian, La valé tɛrɛ yele we ma.

⁷ Éé nyanégyɛzan sié vun va, Yé éé leekorozan sié wibo vulina,

⁸ Wo nyanale mi blɛnnu va we ma, Alé mi blɛnnu va we ma.

⁹ Éé sɔn le kɛla néyaazan nya, Yé éé a kɛla né bu lé a gi éé nanaan élé nénu va, a nya. ’Ka Gakelebale tɔ zin fe.