Lɛrɛvɔ Sɛbɛ 112 - Kazambale lé Sebe Sauunu 1979

Mi zin lé ginanale

¹ ’Ka Gakelebale tɔ zin fe. Mian éé kanaan Gakelebale lee, ’Té alé bélidɔwenu sɔ a lɛ é baba, azé a néné.

² A kulu é dan kɛlɛ lɛ mi plɛplɛnu nya tɛrɛ la, Mi tegelenu kulu drɔɔ é dan vo lɛ.

³ Ginanafɛnu valé fuafɛnu a alé kɔn gi di, ’Té a kɛlɛwe tegele ana lɛɛfaama.

⁴ San éé nwɛɛn‐an gunutinu va, munu lé wolé we ke é drɔle, wozé nya, É valé nyanaizénzannu koo, mi mawe dɔɔzannu koo, mi tegelenu koo, wozé nya.

⁵ Mian a nyanai éé zén‐é yé éé vɛɛn paan, ’Té élé wenu yuɛ gi boo we tegele yɛrama, azé a néné.

⁶ É ’ka dan saan lɛ monomono lo, Naa, mi tegele sele a munu gi yifaama;

⁷ Dé é wenaané ’ma, kana ’ka zén‐é a gi lo, A bli ta a plɛplɛ, ’té é a é pale Gakelebale ta.

⁸ Nyanabli a a gi, é ’ka kanaan monomono lo, Fɔɔ yé é ’élé blibɔmawe ye bɔna é nyanézannu ma.

⁹ Éé fɛ kiɛre no; éé fɛ no nyanégyɛzannu lɛ; A kɛlɛwe tegele ana lɛɛfaama; A tɔ bɔle a ’wuo nwaan.

¹⁰ Dé bli nyanézan ’bɛ ye, a bli éé flian, Éé suiɛ dɔraan é ke la, é sɔ a lɛ léé, mi ’ko ’é ga. Bli nyanézannu lé blibɔmawenu yi éé gaan.