Lɛrɛvɔ Sɛbɛ 111 - Kazambale lé Sebe Sauunu 1979

Bale tɔ bɔle

¹ ’Ka Gakelebale tɔ zin fe. An dan Gakelebale tɔ zin fe lɛ an bli faa nya, Fɛ lé mi tegelenu éé zén‐é ékeva ana bɛ, ana.

² Gakelebale panyanama a blɛn, Munu faa lé yee nyanamanu sɔ wo lɛ, wa ze vɔa.

³ A panyanama a tɔbɔwe valé fuawe saa nya, Yé a kɛlɛwe tegele é vo ana lɛɛfaama.

⁴ A kɛlɛwe blɛnblɛn sele a munu gi, Gakelebale nyanai éé zén‐é yé é mi mawe dɔɔ.

⁵ Munu lé woo kanaan a lee, éé fɛblele no wo lɛ, Alé gipawe sele a a gi yifaama.

⁶ É ’élé nyanama plɛplɛ nagɔɔn‐an ’élé munu lɛ, Bɛn bɛnu zara nɔle nya wo lɛ.

⁷ A bɛ panyanama a yarapale we la valé we tegele nya; A déretawenu faa a webozen nya.

⁸ Wo ta ’ka vɔɔan monomono lo, É wo kɛlɛ yarapalale valé we tegele nya.

⁹ É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

¹⁰ Wedɔɔle pélisiana lé ke kanale Gakelebale lee nya; Munu faa lé woo tawoo ’bɛ ta, woo we maan tegele. Munu lé a tɔ zin fele éé voo ana lɛɛfaama.