Lɛrɛvɔ Sɛbɛ 110 - Kazambale lé Sebe Sauunu 1979

Bale valé minwiinzan blɛn lé é a si a va

¹ David zé lé. Lɛrɛ do lé. Gakelebale lé anzan lɛ léé: ’I nyana an bɛyila, Fɔɔ yé maa i nyanézannu pla i wuo.

² Gakelebale é dan ilé plale mi nwiin péli sia lɛ Siɔn, yé é bɔ fɛfaana. ’I pla i nyanézannu nwiin ma.

³ Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

⁴ Gakelebale ébo ’nyɔɔn yé é ’ka dan é dére nɔla lɛ lo; É léé: Bii a Balebanzan nya Mɛlkizédɛk dɔbɛ gi lɛɛfaama.

⁵ Mizan a é dɔle i bɛyila, A blifliyi nya é dan minwiinzannu zɔn lɛ.

⁶ É dan bɛnnu lé we ble lɛ, migalenu a é diale fɛfaana; É dan bɛntɛrɛ blɛn nwiinzan zɔn lɛ,

⁷ Dé é a tawona, ’yiyoro plɛplɛ lé éé a minian, Amalé é dan é ’wuo nwa lɛ.