Lɛrɛvɔ Sɛbɛ 11 - Kazambale lé Sebe Sauunu 1979

Pale Mizan ta

¹ Lɛrɛ lé David a vɔle gɔɔn lɛrɛvɔmunu ’lɛzan lɛ. An vɔa Gakelebale ɛ zi. É kɛlɛ ka yé ka fé an lɛ léé: ’I fwi, ’i go gɔblɛnnu nwiin bélé miané zoo?

² Naa, i yua, mi nyanénu éé sa ganaan, Woo ’wolé sawɔlɛ dɔa bale ta é zima, A vulile mi drɔlenu lé wo ke furɔ va, wo va we ma.

³ Dé kɔngane vɔna zana a gi, Mi tegelenu a kɛla kaa?

⁴ Gakelebale a é bankɔn sauun gi, Gakelebale lé webleblin a la gi; A yuɛ éé blaminu naginian, ’Té a yuɛlakɔné éé wo gi daan.

⁵ Gakelebale éé mi tegele gi daan. Mi nyané valé mi lé glawe sɔ a lɛ, wo za a a gi.

⁶ Kyɛnyɛnu koo, kyɛ valé povun koo, Éé wo zén‐é mi nyanénu ta bélé lɛɛ zo. Fu lé éé wo kyɛ blé, yee ɛ ke wo dɔlafɛ nya.

⁷ Naa, Gakelebale a tegele; we tegele éé sɔa a lɛ. Mi drɔlenu é dan a yara ye lɛ.