Lɛrɛvɔ Sɛbɛ 108 - Kazambale lé Sebe Sauunu 1979

Wo nyanézannu ma bazorole

¹ Bale tɔbɔlɛrɛ lé. David lé lɛrɛ lé.

² Baleoo, Bale, an ma a é ’lɛrɛle, An dan lɛrɛ vɔ lɛ, an dan anlé flinnu gyɛ lɛ; ’bɛ a an ginanawe nya;

³ Anlé kpélé valé anlé kɔnɔ, ’ka vuo. Maa dan tu kini lɛ an yuɛ ma.

⁴ Gakelebale, maa dan i tɔ zin fe lɛ migɔnɔnu méléna. Maa dan i tɔ vɔ lɛ lɛrɛ nya bɛnnu méléna.

⁵ Naa, ilé zin a blɛn fɔɔ é bɔ lai, Yé i yara pale we ta éé bɔa fɔɔ lafunu ta.

⁶ Baleoo, Bale, ’i gié lanu ta loru ma, Yé ilé fuasan ’é sɔɔla tɛrɛ faa ta ma.

⁷ ’I we ko zi, ’i ko si we gi i bɛ plɛplɛ nya, I sɔlɛzannu sile we gi we ma.

⁸ Bale ɛ fe ’élé fɛna ’lɛzan na léé: An bɛ é dan mini lɛ a lɛ. An dan Sisɛm tɛrɛ guli lɛ, yé gɔworona lé wa laama Sukɔt, maa dan a dan lɛ mɛtrɛ nya.

⁹ Galaad a anzé nya, Manasé a anzé nya; Éfraim a an ’wuo ma kanakoro nya, Juda a anlé plaminwiin soowoli nya;

¹⁰ Moab a kana lé an zuruwo a gi, a nya; Maa anlé sawala vulian Édom ta; An siaan ginanale nya Filisitinu lé tɛrɛ la.

¹¹ De ɛ dan go lɛ an nya fla lé a zi lɛ ke é sɔɔle gɔrɔ buruzan nya, a taa? De ɛ dan go lɛ an nya Édom tɛrɛ laa?

¹² Oo Bale, biian i sɔn vɔ ko ma bɛ loo? Oo Bale, biian i léé, ’é ’ka go kolé sunyanu va é dɛrɛ bɛ loo?

¹³ ’I bɔ ko va kolé kleblele gi, Munu bɔle ko va tɔnɔ ’ka lo.

¹⁴ Dé bii Bale a ko va, ko dan we blɛnnu kɛlɛ lɛ; I dan ko nyanézannu wii lɛ.