Lɛrɛvɔ Sɛbɛ 101 - Kazambale lé Sebe Sauunu 1979

Blivolɛdére lé minwiinzan a fe

¹ Lɛrɛ lé. David zé lé. Maa dan zin valé we tegele vɔ lɛ lɛrɛ nya; Bii Gakelebale lɛ lé maa dan lɛrɛ vɔ lɛ.

² Maa dan an yara pa lɛ zi tegele ta tawole ta, Dé i dan da lɛ an va mɛ bléyi vaa? An dan tawo lɛ anlé munu va, Bli lé, gun ’ka a ma lo, a nya.

³ Maa ’ka dan we lɛrɛlɛrɛ do kpen vo lɛ an yuɛ gi lo. Diérazannu lé tawobɛ za a an gi; É ’ka dan vɔ lɛ an lee lo.

⁴ Mi lé a bli ’ka zi yɛrama lo, é dan si lɛ an ma baa; É ’ka sɔ lɛ an lɛ léé, ko nana wenyanékɛlɛzan nya lo.

⁵ Mian é ’é bɔluzan tɔ sɛra kyeen gi, maa dan ’bɛzan sɛrɛ lɛ tata. Mian éé mi naginian é yuɛ zuo, ’té boblɛn a a bli gi, maa ’ka dan an ’wuo dɔ lɛ ’bɛzan lé we wuo lo.

⁶ Maa dan an yuɛ pa lɛ yarapawelazannu ta, Wo nyanale an sɔnɔ we ma, Mian éé tawoo zi drɔle ta, yee ɛ dan kɛlɛ lɛ an wuozan nya.

⁷ Mian é ébo kɛlɛ dablikɛlɛzan nya, é ’ka dan vo lɛ an va lo; Mian éé vié woo, é ’ka dan mɔn lɛ an yuɛ gi lo.

⁸ Bladi faa do do ma, maa dan wenyanékɛlɛzannu sɛrɛ lɛ tata, Weplekɛlɛzannu nyaale Gakelebale lé fla we gi.