Lɛrɛvɔ Sɛbɛ 1 - Kazambale lé Sebe Sauunu 1979

SEBE VININZAN (Lɛrɛvɔle 1–41) Mi lɛgɔnɔ fié — zi fié — we ’wuoplana fié

¹ Mian é ’ka tawoo mi plenu lé weplale yɛrama lo, ’Té é ’ka dɔa wenyanékɛlɛzannu lé zi ta lo, Yé ’té é ka nyanaan mi ma wenanazannu va lo,

² Naa, ’té é ’élé ginanawe yé Gakelebale lé bélidɔwe gi, ’Té éé bɔn‐in bɔrɔan a ma é yiéyi valé é béli, ’bɛzan zé a néné.

³ É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

⁴ Mi plenu lé we ’ka ’bɛ zo lo: Wa bélé lɔɔ gale lé fu a fwilaan, a zo.

⁵ Amalé mi plenu ’ka dan wo dɔna ye lɛ webleyi nya lo, Yé wenyanékɛlɛzannu ’ka dan da lɛ mi tegelenu lé zén‐ékeva na lo;

⁶ Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.