Wegɔnévɔlenu 23 - Kazambale lé Sebe Sauunu 1979

— 6 —

¹ Dé i nyana fɛ zi minwiinzan va, fɛ lé wa dɔra i ma bɛ, ’i gi bɔrɔ a ma;

² dé i a bun‐anzan nya ’i kun i bli ma.

³ Té i bli é bɔ alé fɛ néné blele ma lo; i sia ana fɛ lé.

— 7 —

⁴ Té ibo wɔlɛi nyaa i ma kɛlɛle fua nya we gi lo, té i yara pa a naginile ta lo.

⁵ Fɛ lé é dan san lɛ, é sɔ i lɛ léé, i yuɛ é go ’bɛ zuoo? Naa, fuafɛnu bɛa a, yé woo sié la gi zia bélé gola zo.

— 8 —

⁶ Té i mi nagini glan‐unzan lé fɛ ble lo, yé té i bli é bɔ alé fɛ néné blele ma lo.

⁷ Naa, fɛan zo lé a bɔn‐in bɔrɔle ke, a zo duo lé yeebozen ke. É dan a fe lɛ i lɛ léé: ’I fɛ ble, ’i fɛ mini, ’té a bli ’ka i va lo.

⁸ Fɛ lé bé ble bɛ, i dan féé lɛ a nya, yé i dére néné é dan san lɛ i lee.

— 9 —

⁹ Té i we fe ’tugyɛzan yuɛ va lo, naa, éé sɔn vɔa ilé wedɔɔdére ma.

— 10 —

¹⁰ Té i glɛdɔfɛ kyɛn soowɔla lo, té i go bugalanénu lé féi lo.

¹¹ Wozé lɛgipazan a plɛplɛ; é dan dɔ lɛ wo zuo i ma.

— 11 —

¹² ’I bli lɛ so wepaale lɛ, ’i tɔné lɛ so ’wuoatawe lɛ.

— 12 —

¹³ Té i kana né drɔle ma lo; dé bé bla vlewɔlɛ nya é ’ka dan ga lɛ lo.

¹⁴ A blale vlewɔlɛ nya lé i dan aboen si lɛ gamunu nyanana.

— 13 —

¹⁵ An be, dé i bɔn‐in a é kinile i ma, an boen gi é dan nana lɛ;

¹⁶ bléyian va lé i lɔlu we drɔle fe, an bɔn gi é dan nana lɛ é baba.

— 14 —

¹⁷ Té i wenyanékɛlɛzannu ma maawo lo, naa, ’i kana Gakelebale lee yifaama;

¹⁸ naa, tɛlɛ tɛlama ana, yé fɛ lé i bli kɛlɛ a lɛ, é ’ka dan kɛlɛ lɛ é boa lo.

— 15 —

¹⁹ An be, ’i tɔné dɔ, yé ’i we dɔɔ ma; ’i zi drɔle gɔɔn i bli lɛ.

²⁰ Té i vɔ nwɛminizannu worona lo, ’bɛ valé munu lé woo wi kiɛre blé, wo worona lo;

²¹ naa, nyané é dan nwɛminizan valé bun‐anzan gyɛ lɛ, yé yigyɛzan é dan sɔwuli zén lɛ é ta sɔ nya.

— 16 —

²² I ti lé é i yaa, ’i tɔné dɔ a lɛ; dé i bu kɛlɛ é kwa té i yuɛ vɔ a zi lo.

²³ ’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

²⁴ Mi tegele ti gi éé nanaan é baba, mi lé é wedɔɔzan yaa, a gi é dan nana lɛ.

²⁵ I ti valé i bu gi ’é nana ma, lezan lé é i yaa, a gi ’é nana é baba ma.

— 17 —

²⁶ An be, ’i bli nɔ an lɛ, anlé zinu ’é sɔ i lɛ ma.

²⁷ Naa, bɔrɔdɛ le a mi mini guru nya, yé bɛn le a ’yiguru prɔɔné nya.

²⁸ Éé zi dɔa mi lee bélé kyeenzan zo, éé liwozannu ’léé gi gya munu méléna.

— 18 —

²⁹ De ɛ we: Yibaa? De ɛ we: An bu loo? De ɛ za vɔaa? De ɛ dunnuaan? De ɛ tuo gwɛ maa? De ɛ yuɛ ke é tana?-?lee?

³⁰ Munu lé woo mɔn‐o nwɛ sɔnɔ, woo lé; munu lé wo nwɛ vɔɔle lɛdan, woo lé.

³¹ Nwɛ lé ke sɔɔn é nɔnɔmi, ’té éé bié kana gi, ’té éé zén‐é mi lagolo ma é zima, té bé nagini lo.

³² É nyaa suiɛ dɔle nya mi ma bélé méné zo, yé éé suiɛ dɔa bélé bɔménéluzanuo zo.

³³ I yuɛ é dan vɔ lɛ bɛn lomu ta, yé i bli é dan wenaané fe lɛ.

³⁴ I dan kɛlɛ lɛ bélé mi lé ke é yiale wɛyi méléna, a zo, bélé mi lé ke é yiale ’yitagoro lé drapoyili ’léé, a zo.

³⁵ Wo fɔlɛ duun an lɛ, é ’ka ’naan an ma lo! Wo an bla, maa ’ka a tɔntɔn gi dɔɔa lo! Maa dan vuo lɛ mɛ bléyi nyaa? Maa a a va é ziin.